बिमलेश कुमार झा
रौतहट १६ साउन
रौतहट जिल्लाको मौलापुर नगरपालिका अन्तर्गत रहेकाे श्री माध्यमिक विद्यालय पथरा बुधराममा अध्यनरत छात्राहरूलाई साइकल वितरण गरिएको छ ।
साे नगरपालिकामा रहेको श्री माध्यमिक विद्यालय पथरा बुधराम विद्यालयमा कक्षा ८ मा अध्यनरत करिब ८९ जना छात्राहरूलाई साईकल वितरण गरिएको छ भन्ने उक्त विद्यालयको शिक्षक सुरेश जयसवाल ले जानकारी गराउनु भयाे । प्रदेश २ सरकारको तर्फबाट बेटि पढाउ,बेटी बचाउ अभियान अन्तर्गत एक कार्यक्रम बिच साईकल वितरण गरिएको हो । साईकल वितरण कार्यक्रमका प्रमुख अतिथीको रुपमा रौतहट क्षेत्र नं २ को “ख” प्रदेश सांसद रामकिशोर यादव,विशिष्ट अतिथि उक्त नपाका वाड नं ६ का वडा अध्यक्ष उपेन्द्र जयसवाल,उदघोषक प्रमोद यादव,वडा नं ६ का काङ्ग्रेसका युवा नेता विवेक यादव लगायत उक्त कार्यक्रमका अध्यक्ष सुरेन्द्र कुशवाहा, रहनु भएको थियो । जसपाका युवा नेता लखिन्द्र यादवको सहयोगमा छात्राहरूलाई साईकल प्रदान गरिएको छ ।
सो कार्यक्रममा मौलापुर नपा ६ का वडाध्यक्ष उपेन्द्र जयसवाल,वडा नं ३ का वडा अध्यक्ष बिरबल राय यादव, शिक्षक , ,विधार्थीहरू , सुरक्षाकर्मीहरू,संचारकर्मी लगायत स्थानीय समाजसेवीहरुको उपस्थिति रहेको थियाे ।
