बिमलेश कुमार झा
१२ जेठ, रौतहट। रौतहटको बौधिमाई नगरपालिकाको नवनिर्वाचित नगर प्रमुख प्रदिप यादवले जनताको मन चिटिक्क भएर होइन काम गरेर जित्ने तर्क गरेका छन्।
अबिरले ढाकिएको अनुहार लिइ एक कार्यक्रममा आउदा सबैले सफा लुगा र अनुहारको जिकिर गर्दा उनले जनताको मन चिटिक्क भएर होइन काम गरेर जित्ने टिप्पणी गरे।
रौतहटको बौधिमाई नगरपालिकाको नगर प्रमुखमा निर्वाचित यादवले नगर उपप्रमुख, वडाध्यक्ष तथा वडा सदस्यहरुलाई बिहीबार दिउँसो पद तथा गोपनीयताको शपथ ग्रहण गराउदै सो कुरा बताउनु भयो ।
नेकपा एकीकृत समाजवादीबाट नवनिर्वाचित मेयर यादवले बौधिमाई नगरपालिकाको बंकुल बजार स्थित सीता पार्टी पैलेशको सभा हलमा आयोजित कार्यक्रममा नवनिर्वाचित पालिकाका सबै जनप्रतिनिधिलाई पद तथा गोपनीयताको शपथ ग्रहण गराउँदै सबैले नगरबासीको हितलाई ध्यानमा राखी काम गर्न सल्लाह दिएका छन्।
शपथ ग्रहणसँगै नगर प्रमुख यादवले नगरको विकास र समृद्धिका लागि आफू निरन्तर प्रतिबद्ध रहने बताउँदै दिन र रात एक गरी काम गर्ने प्रतिबद्धता जनाएका छन्।
